ReaLife's Archiver

happyman 發表於 2016-7-24 16:32

情緒病、抑鬱証- 我的個人經歷

以下是我本人的經歷, 我寫依編野係希望大家用正確的方法去處理抑鬱同情緒病, 唔好浪費時間係無用的地方, 你花5 分鐘, 隨時行少10 年冤枉路。

什麼是情緒病? 根據香港健康情緒中心就係身體的病徵有頭痛、失眠、疲倦及其他原因不明的疼痛;而情緒病徵有煩躁、緊張、憂慮及情緒低落等。

點解會咁? 根據香港健康情緒中心, 情緒病的成因,除了個人的性格及環境的因素外,近年很多醫學研究顯示,患者腦部化學傳遞物質失去平衡是原因之一。

好, 若你不幸有相同的病痛而又睇過下精神料醫生, 你會得到以上答案, 跟住點做, 醫生會教你心理上同藥物上的幫助, 如是者你會食藥同改善下心理上諗法, 跟住會好左, 恭喜你, 若果你食一排藥之後可以斷到尾, 你可以不用看下去, 因為對你來說是廢的, 但若你覺得唔對路, 可以繼續睇落去:

你睇落去, 即係你發現有問題 1) 好依賴藥物, 停一排即返發 2) 都係有唔能夠回復以前狀態, 最多7成左右 3) 藥物副作用, 唔犀我講, 你食過會知道 4) 無錢不停睇精神科

我以上食西藥情況大約經歷4-5 年左右,不停反反覆覆,好完D又返發,我開始覺得要試下中醫,睇左幾個,都係反反覆覆,直至有個中醫,佢問左我一個問題, 問我係咪成日有性行為, 我心諗同老婆一星期一次, 好正常啦, 但我忽然諗到, 其實我由中二開始已經有自瀆的習慣, 我相信好多80, 90 後男仔都有,一日一次, 都好正常啦, 射完又會補充過, 關抑鬱症咩事? 但我飲完幾次藥之後,精神回覆以前的8成, 係10幾年來都未有過 (唔係講笑), 之後上網返自瀆同中醫的關係, 更加發理原來每日自瀆係會令人腎虧. 性能力下降, 更重要係會消耗”精氣神”令人產生抑鬱(有興趣自己上網搵下”精氣神”資料), 我睇過不下10個中西醫, 但只有一個能夠講到”性”同抑鬱的關係, 自始我不停網上搵自瀆同抑鬱的問題, 就發現到一個名為”戒為良藥” 的網頁, 佢十分仔細講自瀆所帶來的影響, 點解係自瀆而唔係性生活? 因為性生活正常有固定伴侶, 你做多幾次就無癮, 另外你有幾多錢可以去尋花問柳? 但自瀆就唔同, 現今科技發逹, 咸網週圍都係, 最重要係成癮性極高, 好多人結左婚都會日日自瀆, 係因為新鮮感太高, 日日唔同樣, 依樣唔係我自已講, 係外國硏究 (唔記得個網名)

之後幾個星期, 我已經戒左手淫, 同老婆性生活依舊, 沒有食西藥, 維持每日飲中藥 (我唔係中醫, 但你可以上網搵”四逆湯”, 你會有大幫助), 做固賢功 (戒為良藥 有講), 行善積德(自己上網搵"了凡四訓"), 發覺精神再進一步提升,真到現在,大概1年時間,我已經好了95% 以上,若果我仍然睇西醫,食西藥,我肯定會浪費另一個10 年,亦令我深深體會到中醫的博大精深。

有咩問題隨時問我,我會盡力解答, 若你想用西醫的角度challenge我,我唔會覆你,亦無興趣同你講廢話。

戒色養生 發表於 2016-11-23 20:17

想問下師兄 你係飲沖劑定自己煲藥?

happyman 發表於 2016-11-26 22:03

沖劑, 方便快捷, 我建議搵 農本x  沖劑

Olympic 發表於 2016-12-7 09:17

[quote]直至有個中醫,佢問左我一個問題, 問我係咪成日有性行為, 我心諗同老婆一星期一次, 好正常啦, 但我忽然諗到, 其實我由中二開始已經有自瀆的習慣, 我相信好多80, 90 後男仔都有,一日一次, 都好正常啦, 射完又會補充過, 關抑鬱症咩事? 但我飲完幾次藥之後,精神回覆以前的8成, 係10幾年來都未有過 (唔係講笑), 之後上網返自瀆同中醫的關係, 更加發理原來每日自瀆係會令人腎虧. 性能力下降, 更重要係會消耗”精氣神”令人產生抑鬱(有興趣自己上網搵下”精氣神”資料), 我睇過不下10個中西醫, 但只有一個能夠講到”性”同抑鬱的關係....
[size=2][color=#999999]happyman 發表於 2016-7-24 16:32[/color] [url=http://www.noj1314.258club.com/redirect.php?goto=findpost&pid=889&ptid=312][img]http://www.noj1314.258club.com/images/common/back.gif[/img][/url][/size][/quote]


想問師兄你睇邊位中醫 ?
PM 詳談  謝謝你 :handshake

頁: [1]

Powered by Discuz! Archiver 7.2  © 2001-2009 Comsenz Inc.