免費論壇 繁體 | 簡體
Sclub交友聊天~加入聊天室當版主
分享
返回列表 發帖

[高登中醫保健系列]四季指引。冬篇

http://archive.hkgolden.com/view.aspx?message=2685342&page=1&highlight_id=0

[url=]健康的人[/url]


[高登中醫保健系列]四季指引。冬篇

是咁的,唔知有幾多人知道琴日立冬,意思即係已經進入左冬天,直到下年2月4日立春。
如標題所示,本篇充斥中醫角度觀點,大家身處中西文化所匯的香港,希望對所有知識,對以下的文章,對固有的觀念,持批判探討態度。
請不吝賜教。

本篇內容係介紹點冬天有咩需要注意,同埋滋補方面有咩好食。
如果想調理好身體,秋冬係進補既起點,秋冬滋陰,春夏養陽。之後想拔罐/刮痧既人先有基本條件可以掘垃圾
另外其實順應返天時,可以治未病,即係轉季果陣冇病冇痛,順順利利。
戒色吧,告別頹廢,戒出精彩人生!

冬天有咩咁特別?
《史記》:夫春生夏長,秋收冬藏,此天道之大經也。
冬天特點在於陽氣潛藏,陰氣盛於外,所以應該順應天時幫人體補陰,尤其如果你係陰虛類既人。可能有人會問:冬天陰氣盛,點解仲選而家補陰?
其實就好似響中午淋花同黃昏淋花一樣,中午淋花係幫花陰陽平衡返,唔好變粟一燒,但剩低既水其實有幾多係比花吸收,我持保留態度。但黃昏淋花,冇外在環境消耗,補入身體既野可以在最大程度上自己用。
「春應肝,夏應心,長夏應脾,秋應肺,冬應腎」,所以大致上冬天注意保腎、補腎,「逆之傷腎,春為痿厥,奉生者少」,直接後果是傷腎、手腳冰冷軟弱無力、入春或會有更多疾病光臨。
戒色吧,告別頹廢,戒出精彩人生!

TOP

冬天有咩要注意?

避寒
《靈樞‧天年》:薄脈少血,其肉不實,數中風寒,故中壽而盡(夭壽)也。
歧伯答黃帝,短命原因入面,「數中風寒」係其一,所以唔好病慣左當感冒係朋友來訪say個hi咁hapi 我唔記得左從邊度見到一句「避風如避箭」的確有道理。
避寒排第一,一來係體溫直接與腎陽掛勾,二來係因為我印象中一部份人專選冬天先黎食雪糕雪條 當然呢個係佢既自由,但其實呢樣已經犯忌。
冬季養生有個大前提係「無擾乎陽」,即係立冬之後唔好去打攪陽氣,因為佢訓左。而響呢個時候隊支雪條落肚,陽氣又要被逼出黎幫你warm埋內臟。咁同我趁你訓緊覺叫你起身痾夜尿冇分別,仲唔止一次,係好多次,當然,陽氣唔會講粗口,但你春天好可能病到一身潺。
避寒分三種
‧食暖(溫度)
‧食暖(性質)
‧著暖

食暖除了溫度要暖之外,性質方面比較易為人忽略。寒性食物有海鮮,鴨蛋,田螺,蝸牛,章魚等。
水果方面有西瓜,蜜瓜/哈密瓜,甘蔗,無花果,香蕉,柚,柿等。
菜類有空心菜,西洋菜,海帶,紫菜,草菇,苦瓜,馬蹄等。
金銀花苦瓜茶之類當然都要停。
戒色吧,告別頹廢,戒出精彩人生!

TOP

至於著暖方面,床前常備一件保到暖既外套,一起身就著起。
夜晚訓果陣可以將上衣zip落褲入面, but work,屋企邊個理你喞

腳涷訓唔著,可以選擇睡前浸腳,用風筒吹暖,又或者做完前兩樣之後著socks訓,可防止腦魔回魂滋擾

仲有一樣,訓前關窗,如果一定要開,都要確保d風冇可能直接吹到你,例如拉窗簾然後夾實佢。
至於出街保暖方面,儘量唔好露出皮膚比風吹到,日日如是除左傷腎傷仲傷肺氣,肺氣係人體防衛系統入面既防火牆,肺氣虛既人特徵係非常容易病,多多小心保暖。不過保暖方面人人都知,係選擇去唔去做姐。不過請容許我從審美角度講一句,唔同季節著出唔同韻味,美麗唔一定要「涷」人既,jeans都可以好靚特別係一街都係legger既情況下。

養腎精
「冬不藏精,春必病瘟」。房事耗腎精係人都知,但勞心勞力一樣耗腎精。當然如果你日日都要比老細捽數咁我冇計,但如果條件容許,冬天放鬆一下神經的確有益健康。至於咩情況會消耗腎精,可參考http://forum4.hkgolden.com/view.aspx?message=2672960

切勿劇烈運動
運動絕對有益身心,但一要睇體質,二要睇時候。冬天可以運動,但要以儘量以暖身而不出汗為標準,冬天應該養精蓄銳,唔好用出汗揮霍陽氣。
至於冬泳呢樣特殊運動,我應該會響下一篇「寒涼猛於虎」詳述,但呢樣運動本身完全違反四時養生要旨,我本人絕不推薦。
戒色吧,告別頹廢,戒出精彩人生!

TOP

冬天應該點進補?
*p.s>冬天可以溫補,但避免食燥熱野,包括煎炸野。
*p.s2>腸胃不好者請調理好腸胃方能進補,否則請密切監視身體情況。
*p.s.p>我選既方法大前提係最冇副作用,等讀者可以隨便試,見效的話同喜之試錯左都唔會有問題;但如果都係感覺 有任何唔對路,即刻停止,檢討下今日既生活習慣同平日有咩唔同,例如受涼/胃腸問題,如果排除之後發現係下文方法所致,請終止。

話說擒日又見到六味地黃丸賣廣告,我在此重申你要必須要瞭解自己咩體質先可以補,否則唔補比較好。
同上面所講一樣,冬應腎,冬天注重養腎精,補腎陰,但如果你係陽虛體質,冬天溫補都係唔錯既時機。

首先講左比較常見既腎陰虛先,陰虛即係滅火系統冇水,最主要係有熱症,例如「渴水」「中午一時後有潮熱感覺」「毛髮乾枯脫落」「手心腳心胸口煩熱」「失眠」「睡眠時出汗,一醒即止」「耳鳴」「小便黃,便秘」「腰膝痠軟」「毛髮乾枯脫落」「牙齒鬆動/牙縫大」「黑眼圈」「頭暈、眼花」「呼氣多吸氣少」「尿頻」,女子有「月經不止」等。

而腎陽虛就多係體內太陽熄火,同佢衍生出黎既水症,包括「怕涷」「四肢冰冷」「白色蒼白」「夜間尿頻」「大便不成形」「夢中失禁」「下肢浮腫」「小便帶精」,女子見「白帶清冷如水」等。

尚有腎氣虛一證,見「聽力減退」「耳鳴耳聾」「早洩」「頭暈」「夜間尿頻」「小便帶精」「腰膝痠軟」等。
戒色吧,告別頹廢,戒出精彩人生!

TOP

「嘩頂你咁大堆,大包圍?」其實都係分虛火證同水濕證,加上腎都算係牽連甚廣既五臟,堪稱先天之本,我已經冇寫埋會發育不良,痴呆弱智果d


(*下麵食品後的括弧內只列出與腎有關之功效,詳情請google/百度之)
忌方面我唔建議食椒,腎同韭菜。
進補方面除左http://forum4.hkgolden.com/view.aspx?message=2672960 講既
黑豆黑棗豆漿(治腎陰虛,豆漿請飲熱既)
黑米(填腎精)
黑芝麻(治腎陰虛、填腎精,上品),
核桃(治腎陽虛,陰虛火旺者禁食,可以當零食連皮食,上品)外,尚有
栗子(治腎陽虛,腎氣虛,零食二號,單食有漲氣風險,或可與豬肉炆之,或可煲淮山栗子薑棗粥,外加紅糖,大補)
豬肉(...唔好歧視佢,佢治腎陰虛的,但不能多食,所以之前有位巴打想飲湯補腎岩哂,下面介紹詳細煮法),
枸杞子(治腎陰虛,感冒發燒炎症腹瀉禁用,另外每日最多服用30克) 
蓮子(治腎氣虛,滋陰,輔棗煲粥,銀耳/百合煲湯)
芡實(治腎氣虛,可與淮山煲粥長食)
戒色吧,告別頹廢,戒出精彩人生!

TOP

虛者補之,寒者溫之,滋補餐主要分補陽、補陰,供陽虛,陰虛者用,唔好食錯對面。
補陽方面羊肉(治陽虛,填精髓)堪稱第一,補而不燥,雞蛋輔之煮麵,淮山燸米輔之煮粥,或者加補氣血既中藥整羊肉煲,堅係好食。如果真係驚上火,可搭蘿蔔/豆腐煲粥。另外可以食下基圍蝦(不過呢味似NFS禁turbo制,將潛藏既腎氣發上黎,但佢本身補益效果我有保留,個人不建議久食),煲下紅棗粥都係正野,補氣血,正餐加薑都係好方法,補腎陽既的確比較少,但我覺得較易做,隊堅果,DONE,不過多食小心熱氣。
補陰方面可選擇烏雞(脾胃不佳者可用),鴨肉(寒,大補,大多以薑輔用作煮鴨肉粥或煲湯,不推薦烤鴨),甲魚(微涼,煲湯或伴薑蔥佐料炒之),唔想食肉可以食銀耳(強精補腦,美容嫩膚,虛不受補者用),百合(微寒,養陰安神,陰虛失眠多夢者用),蓮藕(熟食,大舊薑輔而煲之,好湯好湯)等。

上面應承了的豬肉湯,500克瘦肉加30克當歸,水適量,小火煲,唔夠味可加適量食鹽,去藥渣飲湯食肉。「咁DRY,你唔好話豬肉一舊煲10分鐘飲得?」我知睇落好DRY,但味道同效果其實OK,其實上面果堆括弧一部份有寫可以煲湯,自己google下食譜哩。

灸者可灸關元,理氣血,調諸虛百損。
戒色吧,告別頹廢,戒出精彩人生!

TOP

外送小招2味:
1。睡前浸腳,浸時用手指肚/梳梳頭,通經絡行氣血,防白髮脫髮。
2。金雞獨立,引血下行,專治下肢冰冷。
首先張開手,用2個腳全掌企好;跟住拎起一邊腳,保持平衡之後嘗試用腳前掌企
一開始實唔得,試試下會keep到幾秒,一邊累左換另一邊
好多好作用,而引血下行方面既功效好高速,我以前手足冰冷,企7-10分鐘就暖返,d腳甲個色由紫灰變返淡紅。

附言:
節流勝於進補,如果真係都要攪返掂個身體,都係要兩雙配合。就算形勢所逼,但都留返條底線好,你今日條底線,第日可能包返你條命返黎,至少唔會猝死,連醫都冇機會先,請原諒我份人係咁直

下round見,下回題目應該講寒涼既威脅性,再之後既文章未排序,睇你地意思。
睇完無論好評腐皮,比個黎,純粹比我知返有幾多人睇過


祝各位健康 愉快
戒色吧,告別頹廢,戒出精彩人生!

TOP

返回列表