[url=]放下屠刀[/url]
| 其實戒丁完全係講心態,所謂心態決定境界,你個心入面一定要好清楚打丁對自己個身體,事業,愛情,朋友方面有咩極壞既影響(混混噩噩咁過,無上進心,係女仔面前緊張到死咁樣)然後每一日亦步亦趨咁防止一D導致你會破戒既因素(睇AV,諗鹹濕野),當你愈防範呢D野既時間耐左,你心入面就會產生防火牆咁既野,唔打丁就會慢慢變成習慣,最後完全戒除打丁呢種行為。(但係無論你戒左幾耐幾十年,你睇番AV/鹹濕野最後都係會破戒)
另一方面,最難捱既時刻,我個人認為係戒左丁大概幾星期至幾個月果陣時,果段時間會有極大既色慾突襲你,例如你夜晚會無啦啦發春夢甚至醒左,好想打丁咁樣,呢一下係最危險,無論如何點都要忍住唔睇AV唔打丁,例如最好你可以出去街散下步咁(留係屋企好大機會會睇番AV打丁),只要過左一段時間(幾十分鍾至一兩個鍾不等),就唔會有咁強既性慾。呢一個情況係會間歇性咁出現,大家真係要小心小心。一失足成千古恨。
再者,成日聽到巴絲或者有D所謂「手淫無害論既人」會講話間唔中打下丁無所謂既,放鬆下都正常咁。
但係我想Hi既係,打丁根本就係吸毒,你覺得有無食白粉K仔既人會控制到自己一星期食一次咁樣?
同樣道理,打丁可以話係吸毒,你係打丁入面得到快感只會驅使你下一次做番同樣既行為,因為你係入面得到既野係令到你十分舒服。但係世界上邊有免費午餐,你愈打身體就會愈衰,最後成個人就Seven下Seven下咁過一世,你想唔想繼續留係屋企做毒男,廢人一個,成世仔一事無成?
依個世界係好殘酷,而且永遠唔會死錯人,可憐之人一定有佢可恨之處,點解有人識到女仔,有人係屋企傻的嗎9?點解人地叫做吳彥祖李敏鎬,你就無人識?我相信生活中既細節位已經可以解答到,如果呢個世界係無難關,無考驗,咁相信亦都唔會有突出既人。
永遠唔好比藉口自己話打埋呢次就戒,學張家輝話:唔好比自己十9幾萬個理由,愈快開始做愈早享受成果,下定決心做就要呢一刻開始做,唔好虎頭蛇尾。「只有最崇高既努力,先至配得上最崇高既成果」,我夠膽講你戒丁戒到三年以上,你成個人生已經會唔同哂(將你全部心機放係興趣同事業到)。到左十年之後,你回想番今日,你覺得做呢個決定係仲好過中六合彩。
人生可以輝煌既時間好短,你已經哂左成個少年時代,仲想下一個十年都係戒下破下、一事無成?
你想成為左邊定右邊,請三思
|
|