免費論壇 繁體 | 簡體
Sclub交友聊天~加入聊天室當版主
分享
返回列表 發帖

從 SY 到戒 SY 的經歷

首先要多謝蕭巴打不斷的分享戒色文章, 三年前在高登中睇到蕭巴打既 "打得 J 多腎已虧", 在我心中種下左戒色既種子。講真, 果時睇到蕭巴打分享既文章所講既症狀, 真係中左幾多。但當時真係太沉迷, 沒有覺悟去戒, 但一次我得到尿頻同慢前, 之後事情開始改變....


我由中一開始, 當時上網都係有錢人既玩意,我呢D窮學生都係經同學認知咩野SY同分享黃源。之後開始接觸SY, 我好記得當時既感覺, 真係好舒服, 好爽。當時, 我重未上癮, 因為當時我最鍾意係去打機。但中一時, 成績已經一落千丈, 中二去到全級最差既一班, 但好彩父母當時對我既管教好嚴, 基本上成績都係得過且過。而且去到青春期, 看黃源, SY次數多左。去到五中會考, 當然唔會有好結果, 而且果時根本只係覺得自己唔夠努力, 冇諗過因為SY當我學習能力大減。當時我見到父母既傷心同佢地為我既前途擔心到訓唔著, 我真係好過意唔去。最我揀左重讀, 我知道自己一定要更加努力, 唔可以再令父母失望。但最可惜就係因為呢樣心理壓力, 令我SY次數增加得好快, 差不多一日一次。


細個其實都有覺過, 會唔會有QUOTA,現在打咁多, 會唔會第時有咩事冇得再打, 一度想停過同減少過, 但都係冇用, 因為果時唔識得咩野叫戒色, 果時都冇人會講戒色。我都係在怪圈入面, 出唔到黎。


之後我順利上到中6, 但心理壓力更大, 因為唔想衰多次。高中兩年基本上一日一次, 有時一日兩三次。好似食煙咁, 根本唔SY訓唔到咁。而且性格開始變得燥同冇耐性, 又時候變得唔開心同鬱抑咁。好彩身邊既朋友都不斷陪住我同我傾計。好好彩俾我直接入到大學, 壓力冇咁大, 而且多野玩, 個人開心番啲, 但當時應該已經上癮, 一日一次, 或兩日一次, SY 會好似個心羅羅亂咁。當時其實已經有尿頻, 不過自己冇注意到。


到畢業後半年症狀開始出黎, 尿頻加劇, 基本上1小時已經去一次咁。小便開差,而且有時小便會痛。重有鼻炎, 我去睇醫生, 醫生檢查後說我得了慢前。要多休息同定期覆診, 呢個病真係燒錢, 只係檢查同食藥, 都用左成萬元。果時岩岩出黎做野邊有頂得住, 我就只係睇西醫定期檢查, 唔再睇中醫。 (因為當時唔係好識中醫, 覺得好似唔多岩我) 當時睇到蕭巴打既分享, 我見到啲症狀同我身上既一樣, 我知道係因為SY。但果時我冇睇戒色文章, 只係想快啲好番, (我知慢前冇得痊癒, 但我想症狀消失先) 最後我靠自己既意志力同分散注意既方法, 死忍盲戒強戒, 我頂左9個月時間, (真係要用個頂字黎形容, 因為真係好難受), 症狀減輕左, 醫生都說保持住慢慢會再好啲, 唔洗再番去。都用左接近兩萬左右, 儲既錢都冇哂咁滯。


其實SY 都令到我唔識同人溝通,同上師之間關係平平, 因為當時個腦根本轉得唔好, 成日都發呆同個腦一空蕩蕩咁, 咩都諗唔到, 同埋怕望住人講野, 現在諗番應該係社恐, 不過當時冇咩理會。經過左果9個月盲戒, 好似冇左呢種感覺, 但係果時工作壓力開始大, 好多死線同工作量, 每次過左啲大既死線, 我都會好想SY。因為我心入面好記得果種快感同爽。(可是, SY咁多年, 其實已經冇咁強既快感, 有時候更係唔太爽)。但心癮既野, 你懂的....


無錯, 我破左戒.... 呢次係我第一次戒色, 雖然係盲戒, 不過我學識多左戒色既技巧。都幫助到現在既我走呢條戒色既路, 你問我當時有冇去看黃, 我可以好誠實咁答你.. , 開始既時候真係忍唔到啲心引, 但死忍不SY。你問我咁樣唔係都算破戒嗎? 嚴格黎講係, 但我覺得有啲野都係一步步黎, 我自己既經驗係, 其實由日日睇慢慢減少次數, 其實都算有幫助。不要強行的逼自己一次過戒除, 由一變做零。所以一開始戒色既巴打就算開黃破戒都不要灰心。因為你既努力係會慢慢積蓄。由一日一次變一周一次變兩周一次變一個月一次。
其實過程中你不斷逼自己對抗心魔。係會有啲覺悟上既提升, 同埋學識點樣可以令自己唔想諗SY。呢啲分心既方法同面對心麼既方法, 唔一定個個一樣。


頂過左果9個月既過度期, 我SY次數少左好多, 好似冇咁依賴看黃。之後試過戒第二次, 但都係因為壓力同在外地工作既關係, 對抗唔到心引同心魔既提示。


最後, 我諗番蕭巴打講戒色一定要睇戒色心章, 我就試下, 睇完一開頭幾卷戒良, 我明白到戒色一定要睇戒色文章。
睇戒色文章既重點, 係要令自己有另一種思想方式去面對心魔, 你會睇到佢地話睇戒色文章係對自己洗腦, 其實講得好啲係對俾自己有另一個思考方式去面對SY, 面對黃, 重新認識性。睇完之後你要用番出黎先有用, 記著, 要用番出黎先有效果, 睇完轉頭唔記得, 或者不當是一個什麼回事, 你等於冇睇過。


當你睇左幾卷戒良之後, 當你下次心引起, 心魔出現時, 你要諗番戒色文章學到既野, 提醒自己咩係SY, 心魔既真面目。你明白, 你諗通, 自然消除到YY。再者, 一定要重覆睇, 重覆回憶戒色文章既智識。因為人係腎虛時, 記性差, 所以不斷重溫戒良, 遁可以不斷提醒自己戒色智識。


最後, 我知道每個人都會對某啲野有情意結, 當你見到果樣野既時候, 就會好想SY。果樣野就係你SY既引子, 心魔會把握每個引子去提你SY。你一定要認清真相, 唔好俾引子令你有YY。念起即滅, 唔停自己, 就會諗下諗下變破戒。另外, 破戒唔好放棄, 要諗番個引子係咩, 下次面對既時候要小心啲。不斷了解自己既情意結, 不斷看破情意結, 我相信慢慢會成功戒到。


上面係我對戒SY既經驗, 希望幫到各位巴打 !

1

評分人數

難得既香港本地戒色分享文
留言支持~~~

TOP

又有一篇精品既香港戒J文章,多謝你將自己既經歷寫出黎,幫人戒J

將自己打J經歷寫出黎,勇敢面對自己過去,回憶打J時既種種痛苦

會對你係戒J方面有更深既了解,你既覺悟亦將會更上一層樓


強戒注定失敗,當你知道戒J要不斷學習戒色文,你已經離成功不遠了。
不要放棄學習,你會成功的,一齊加油!
戒色吧,告別頹廢,戒出精彩人生!

TOP

返回列表