免費論壇 繁體 | 簡體
Sclub交友聊天~加入聊天室當版主
分享
返回列表 發帖

打丁八年,空虛而痛苦既日子

係度開POST純粹想分享下打丁既日子係有幾咁痛苦希望大家引以為戒 唔好再打飛機


一切都要由開始打丁講起,細個既我係幾聰明,幾有自信,起碼唔會驚哩樣驚果樣。
係小五/小六開始比D小學同學教點樣打飛機,邊度搵片睇,
一開始都淨係睇片,因為根本唔敢打飛機。
但係好奇心總會害死貓,佢地講到打飛機幾咁爽,幾咁舒服,
係某一日既夜晚就試左用隻手上下上下咁CHOK條J,人生第一次高潮。
仆街,就係哩一日,令到我往後既人生生不如死,哩家諗番,人生既轉淚點就係學識左打丁既哩一日。


由果時開始,學識左點打丁,就差唔多隔兩三日打一次到,
仲記得果時好驚比人發現打丁同睇咸片,次次睇完都會DEL晒D瀏覽紀錄。


頭果兩年係乜事都冇,可能果時仲係好活潑,成日跑跑跳跳踢波打波做運動,回復得快D,
但係之後就出事。


果時大概仲係初中到,打丁打到比人排斥,哩家諗番果陣時既我都算幾黑人憎同幾ON9下。
成日做埋D ON9野諗住引起人注意,我相信就係哩段經歷改變左我之後既思想。
總之,一切都改變晒,果陣成日諗埋D負面野,憂鬱,自卑,絕望,唔知算唔算係中二病,但係果時的確係過得好辛苦。
每日都唔想番學,唔想面對哩一切。當然,有壓力就繼續打丁,越打越勁,變得越黎越樣衰。
而同時睇既片都越黎越重口味,例如調教,強姦,凌辱等等
簡單黎講我係現實中係受害者既角色,要靠睇更重口既片黎滿足番成為施害者既幻想。


去到高中,中四果時的確係冇打得咁勁,個人真係清醒左,識多左好多FD。
但係都係冇撚用,最後又打番。果種轉變其實係幾神奇。
由一開始你比人地既印象係唔差,但係最後變本加厲咁打番丁,變到人地睇唔起你。
腎主恐,打得丁多個人變得細膽左,好多時都因為驚得罪人而唔表達自己既意見。
同時個腦開始唔靈活,分析唔到野,好多野諗埋一面,性格亦因此而改變,變到好怕事
最深刻就係比人踩到上心口都係笑笑口咁,唔識反抗,真係成隻狗咁。
但同時又想注起人注意,得到人地重視,最後又做埋D ON9野,
以為咁樣就可以得到人地關注,其實錯撚晒。
當時仲未發現自己既思想開始出現偏差同存在謬誤,追求既野更加係不切實際。
總之,我哩家睇番過去,真係好撚唔滿意。


打丁的確係會令到你思想甚至係思維模式出現轉變,而且係唔合理既轉變。
思想控制行為,行為久而久之會變成習慣,進入潛意識自動咁幫你條件反射,
從而影響你既人際關係,變得自卑,細膽,失敗。
而且打丁既人生就好似住係幻想入面,掂唔到地,好易將自己既幻想帶入現實,最後既結局當然係空虛。


好多打丁既人都會有人際關係既問題,而打丁往往就係最大既原因,
因為會影響個腦,影響你既控制能力,影響你對人同事既應對方式。
當你遇到人際關係既問題,相信大家都試過好多方法咁改變自己,但係都改善唔到,問題依舊
你要記住 戒色係唯一一樣可以真正幫到你改變自己同解決問題既方法。
只有戒色先可以令你變番個人,每次想破戒就記住如果你想繼續做狗既,就繼續打丁啦。
各位要加油,唔好再比人睇死,唔好再比人睇低,咪撚再做狗。
1

評分人數

寫得唔錯,相信你唔止咁小症狀,希望可以寫得更加詳細D

多謝你為大家出一分力,又有多一篇屬於香港人既戒色文章!比大家學習
戒色吧,告別頹廢,戒出精彩人生!

TOP

各位要加油,唔好再比人睇死,唔好再比人睇低,咪撚再做狗。

TOP

太有感受

TOP

返回列表