免費論壇 繁體 | 簡體
Sclub交友聊天~加入聊天室當版主
分享
返回列表 發帖

想做毒撚定男神?U唸U

首先係度多謝別離一路以來推廣戒色呢門哲學,等更多人正視色情對人既禍害。真係估唔到係呢個咁open既社會,居然仲會有後生仔反潮流禁慾,睇黎呢個社會仲有希望。
利申:我唔係任何勢力既打手,你要J可以繼續,家下無人逼你戒就好似邪教咁,岩緣分就可以繼續睇,唔岩可以上一頁

先講下自己既背景,我唸你都應該受打j影響好深先入黎呢度睇文。我同你一樣,我好早大概中二開始打j,開頭chok chok下好爽,之後射左d水出黎覺得好正。之後再開埋av無限性幻想簡直去左天堂,但無唸過萬惡既根源就咁開始左…..開頭都怕怕醜醜唔敢打得咁密,去yahoo知識問人打j是否正常,點知比班知膠昆我話聖人都打j,咁我就開恆turbo摩達手咁j。去到中五開始有讀書壓力仲密,1日幾劑。咁我分人就好憤世嫉俗(可能開始識上高登),好容易就產生負面情緒。果時淨係一心想入大學離開呢班垃圾,就好似想通了要與現實接軌果類硬膠。有女仔問我功課我都唔9彩佢,教左佢咁咪高分d? 點解d人有書唔讀淨係顧住玩,第時無大學讀你地等做黑衣啦。而家唸返起都打哂冷震。。。我又討厭佢地覺得佢地好假,所以就開始單機生涯。上堂時覺得悶就幻想miss就好似a片入面主角咁,然後就舉手去廁所馬上起錨。你話痴唔痴線?

我無樣叻,淨係對數理有d興趣,呢科令我係學校既名次都唔低。每日既時間表就係返學放學,打j溫書到深夜。你問我點解中意讀書?因為我想考高d名次睇唔起班同學,要prove比佢睇我先係岩。雖然我係讀得下書,但係我轉數極慢,人地好易就學識我就要返屋企做多幾次先識,唔知係咪打j引致。我份人集中力好低,好易就會唸埋其他野,讀書效率極低。本身體弱多病既我因為打j而變得更孱,隔一兩個月就會病一次。所以我好羨慕人地天生高大強壯,果時無唸到係同j有關。

到考大學試dse果陣,我為左做exercise 晚晚開夜車,做做下覺得攰就打返個夜炮醒神。其實過時開始都有d症狀,不過我以為少事黎姐。就係咁樣比我-6入到大學。入到去,屌!點解同我想像既完全唔同既!?一玩ocamp就瀨野!個人無自信唔敢同人破冰同人玩,個肚完全無水同人搭爹。d人講d野我聽唔明既?佢地講d野好潮好大學feel, 而我既話題就只有grade同揀邊科好。。。原來我已經同時代脫哂節了,我既timeline就好似skip左青春呢個period。睇返ocamp 合照,哇,用放大鏡搵返我發現點解我變成咁樣!?可能係之前溫dse打j次數太變態,搞到我開始M字同好多白頭髮,而其他同year甚至組爸都比我後生。唉,個個都搶住同靚仔靚女做朋友,而我就係企埋一二面,仲要比組爸玩鳩我令我出醜,比人寸又唔識講笑,以為人地講真就黑哂面,係ocamp既時間簡直度日如年。於是就第日朝早就話屋企有事走左了,連group 都退撚埋。返到屋企就開始回想:我係咪唔適合入大學? 咁辛苦入到黎,點解同我理想既生活唔同,我之前咁辛苦讀書為咩?點解啊!唸唸下就開始喊左出黎。

開sem後,我決定要以first hon為目標!!!第時有錢你方無女?於是我就mainland化,乜9都要chur住黎讀,大學0課外活動,0運動。有時見到d人又靚仔sporty又講英文lala聲,真係好葡萄,而我就只係一個體弱多病既垃圾。去到year2, 我j無可j, 症狀開始嚴重,個人勁無精神,極度易攰,極度需要訓午睡。一到夜晚就每半個鐘有尿意,柯完尿坐低會滲出黎,自己都聞到一陣精味。條j經常出現過敏性反應,幾時都作戰狀態。搞到我坐低經常唔好意思。。。唉,最柒既係有日我同班同學一齊去尿兜柯尿,我急尿但就係柯唔出,比人睇到真係極老尷。。。我返屋企搭巴士見到一個啊叔同班初中上車,個啊叔面無血色甩哂頭髮地中海而班細路就精靈活潑天真無邪。其實每個天生皮膚都好好,相由心生,只不過係我地長大左唸得邪惡先變到咁。點解我以前細過咁開心?就係因為我純。我既戒色根源就係呢一日

我返到屋企就上網search下戒j發現左大陸個戒擼吧(而家比人汁左)。入面有好多大陸人原來都比色情吞噬青春,見到人地既經歷同我差唔多甚至更差,但係戒左之後都有好好既開始,唔駛再飽受症狀折磨。有d仲自拍埋,講真,我見到佢地既對比真係好感動,真係唔相信有d啊源咁肯樣戒完可以變返中上男神咁,有d仲溝埋女添。我好記得我睇完一個故事恍然大悟,個故事係講兩個細路幫個和尚救火,個和尚答謝勸佢地要贈佢2字要滅火,點知其中一個細路無聽,好色成癮,一是無成搞到離婚咁制,準備要跳樓時唸起和尚果一句,於是就返去搵個和尚,之後個和尚就同佢講色情既禍害(下面比個故事你),睇完我忍唔住爆左出黎,咁大個仔味試過咁感動。一直以來我都比色情控制變到成隻行屍走肉咁,因為色情,我錯過左8年,點解人地可以擁有一個咁燦爛既中學大學生涯?我就miss左最青春最熱血既中學生活,而家我有得再選擇多一次,就係享受埋我剩下既大學生活,一係等變做色魔上報紙。果時我日日想戒擼吧睇人故事同對比圖,每個故事都係真人經歷,好勵志。每當我打算除褲準備起快,我就會唸起我之前坐低漏精柯唔出尿既情景。一唸起呢d我就打唔落手。

可能我傷得比較深,所以好易戒,每次有慾念就馬上唸起靚女係隻吸精鬼就無哂慾望。好多人戒唔到唔係你既錯,只係你傷得味夠。你傷得夠深就黎死自然唔會想打。
開頭戒左幾個月,唸野正面到仆街,身體無咁攰。戒到1年,皮膚好左,我開始有返fd子話題都多左,個人變得有自信,我仲夠膽溝女添。戒到兩年我仲做埋gym, 開始注重儀容,之前d陳年老蒼都慢慢退哂,皮膚好左8成。遇到不公平情況我會出聲屌,例如比人打尖比人寸我真係大大聲屌佢老母。
你可能會話,屌,有d人日日卜野打j都好靚仔wow. 人既身子構造唔同無得比較。無錯,有d人天生體格好可以有多d hp值比佢消耗,但有d人好似你咁天生係潺仔好易病。人地j出血唔通會話係ig講咩on9。新聞都有得你睇啦,大留,羅兆輝(死埋),黃任中(死埋),何紅新呢d巨鱷都係衰咸濕搞到自己成pat shit。我寫包單,如果佢地係味發財之前已經知道色情既禍害,佢地而家已經坐係度嘆緊茶睇住交易現場,慢慢享受家庭比佢地既歡樂。你第時發左達,你都應該教唔聽,一定當我地講緊廢話,所以一定要係發達之前有返d正確思想。呢個世界最唔缺有錢佬,最缺係有品德既有錢佬。

你而家去廁所照照鏡,個樣油頭垢面,滿面瘡疤。每次想開迅雷時候就開幅圖睇下自己個衰樣,連自己都唔咁面對自己,試問點會有自信面對其他人?連自己個細路都控制唔到,你點做大野?我係街度見到你一定笑9你。係有心戒既唔該而家自拍留個紀念,想做毒撚定男神就U唸U. 早一日戒就早一日變男神。

故事:http://h.foyuan.net/blog-101243-46021.html
1

評分人數

講得好

TOP

巴打好有心!
廣東話戒色文讀起上黎真係有共鳴好多, thx so much

TOP

返回列表