- 帖子
- 1
- 主題
- 1
- 積分
- 63
- 在線時間
- 3 小時
|
分享下我十幾年既打丁經歷
本帖最後由 布鷗 於 2017-5-28 18:27 編輯
- 打丁之始
- 小二起開始打丁,個陣訓起床到等食飯,無聊玩下賓周就學識咗...
- 第一次出個陣畀我極大震撼。感覺完全係世間竟有如此美妙之事,覺得朝聞道,夕死可矣,此生無憾。
- 卻不知欲為苦本,領悟打丁,一直打丁先造成我人生既一大遺憾,實在諷刺之極
- 初初個陣冇精出,齋得快感,勁方便。每日放學急急腳翻屋企就係為咗打翻次爽嘅。
- 記得我到小三定小四個陣有次突然射出精,嚇我一跳,搞到我成條底褲都黃晒,條底褲仲要掛起廳,表哥表姊(個陣同親戚同住,兩家住埋一齊)個個都望到...諗起都覺得無地自容
- 打丁頻率
- 我覺得自己都唔算太沉迷,冇話 keep 住 1 日 x 丁個啲
- 十幾年黎,都係有時密,有時疏咁打。
- 密既有時一日打3, 4次 (有起唔同時間段, 都有試過連續打), 疏既時候可能幾個禮拜先打一次
- 打丁症狀 (自問自己後知後覺,出現唔同類型癥狀都冇諗到關打飛機事)
- 輕微耳鳴
- 輕微神經衰弱, 強迫症
- 陽痿
- 有一排試過有啲難勃起(有啲勉強但都算勃起到),唔太堅挺,硬度麻麻。
- 以往係唔勃起比較困難
- 嚴重早洩
- 如果真係打既話,秒射
- 以前睇片打飛機,為咗享受得耐啲,都係緩慢刺激為主,一兩個鐘都冇問題
- 無快感
- 去到自己嘗試開始戒個陣(大約2015年年中左右),已經打飛機都冇咩快感。
- 覺得精同快感已經脫鈎,唔再係射精自然會舒服會爽。
- 完來係可以齋射冇快感,成件事即刻冇晒意義,味同嚼蠟。
- 瀕死感
- 試過幾次,以前打得密個陣耐唔耐就會有一次,近年打得冇咁多,自己慢慢開始戒同入咗 whatsapp group 戒後已經冇再出現過
- 發作個陣成個人都好唔妥,頭暈,手腳冰冷,同一般作病的感覺類似但強烈好多
- 覺得有陣涼氣直升上腦,明明擘大眼,但眼前既世界可以漸漸發黑,到最後黑晒,成個過程只係十幾秒乃至幾秒既事,太誇張
- 試過有次中學入 camp, 成班人跳緊啲類似由健體操改編出黎嘅舞個陣發作,冇計唯有忍住不適停低企定定(因為眼前已經黑晒睇唔到嘢),之後啲教練扶我出去抖。訓低等啲血充翻上腦先睇得翻嘢但都仲係頭暈。
- 腦力下降
- 比較明顯既一次經歷係小學(好似小四左右)有次英文 Listening, 有啲 facts 既選項,要聽佢講翻啲 facts 之後排翻時序。個陣完全覺得組織唔到,成個腦好似亂晒咁。我問我隔離位個個(名列前芧,後黎升咗我地區一間勁既 Band 1)係唔係一邊聽一邊起個腦到調翻啲次序,我記得佢當時一邊合埋眼,皺著眉頭組織緊,一邊緩緩點頭答我。我咁問佢係因為我隱約覺得我之前好似都做到同樣既嘢,但唔知點解突然就做唔到。
- 有人既話屙尿屙唔出
- 試過明明係急尿先去廁所,一企埋尿兜到就有人入廁所,然後全程都屙唔出,最最記得係後尾入黎個個屙完洗埋抹埋手,出廁所個陣望咗仲企起尿兜前面既我一眼,好似仲輕笑咗一聲。 我:「...」
- 自此之後次次入廁所都係入廁格,無數次見到廁格爆滿(但尿兜仲有位)直接調頭走扮冇位爆石。就算成個廁所空既都唔係好敢用尿兜,除非真係好急又或者係偏僻廁所先敢用。
- 唉,都係自作孽啊...
- 其它
- 冇精神,效率低;
- 冇體力,有操過但同人差一截;
- 矮,得 170 cm;
- 冇信心,唔敢同人對視,永遠旁觀被動(即使自己有啲把握都好),就算有女仔 approach 都唔敢同人拍拖,覺得係夢係FF係諗多咗,毒撚最忌有自信;
- 黑眼圈,眼袋,印像中好似冇試過係冇黑眼圈同眼袋,由細跟到大
- 雙目無神,尤其同戒咗之後比,一個天一個地,非常明顯
- 容貌稚嫩,間唔中就有人話我個樣好細個。都係自己攞黎,個個禮拜個個月都射咁幾成用黎發育嘅能量。
- 戒丁之始
- 係因為同班 fd 傾開計,傾到男人嘢個陣有人講咗句 "一個禮拜2次已經好傷",個一刻先好似突然醒咗,乜原來打丁會傷身架咩? 個感覺就好似突然明白咗 1+1 原來等於 2 一樣。
- 自此之後就開始嘗試自己戒,可能係因為太虧,一開始自己戒個陣好輕鬆就戒咗成年。個陣都唔識戒丁,基本上個年淨係戒咗打丁,但係冇修心,仲成日睇片,只係刺激下JJ但唔射出黎,到攰就訓。雖然係咁,但個年都恢復咗少少,只少隻眼變翻有神。不過我個陣都唔肯定關冇打丁事,仲諗住係因為換咗藍光眼鏡。之後腎氣恢復到咁上下,就抵擋唔住心魔嘅攻擊,總係搵藉口打丁爽下,打完仲照鏡睇下隻眼有冇咩變化,睇唔出有咩明顯變化之後就打得更心安理得(睇咗《戒為良藥》先知有滯後性,量變導致質變,唔係話今晚打丁,聽朝就禿頂),又開始越打越密。到後來入 whatsapp group 戒個陣,我照鏡,隻眼已經呆滯翻。
- 最後畀啲好句大家,精蟲上腦個陣諗起一句半句話唔定就抵擋到一次破戒嘅危機
- 一念稍疏,陷溺難返。
- 多欲為苦,欲為苦本。
- 一念之欲不能制,而禍流於滔天。
- 淫慾之歡片刻間,後來災害重如山。
- 色不迷人人自迷,萬丈深淵亦自掘。
|
|